Arnthorsson lögmannsþjónusta býður stjórnum fyrirtækja upp á að fá lögmann til að sinna hlutverki ritara stjórnar. Slíkt fyrirkomulag veitir stjórninni bæði faglegan stuðning og aukið öryggi við ákvörðunartöku.
Ritari stjórnar gegnir lykilhlutverki við að tryggja að fundir séu réttmætir, að umræður séu skráðar með réttum hætti og að fundargerðir endurspegli þær ákvarðanir sem teknar eru. Þegar ritarinn býr yfir lögfræðilegri sérþekkingu styrkist stjórnarstarfið.
Ritarinn gætir þess að bókanir og ákvarðanir séu teknar í samræmi við samþykktir félagsins, gildandi lög og aðrar reglur. Með því er dregið úr áhættu á að ákvaðanir séu teknar með röngum og mögulega saknæmum hætti. Rangar ákvaðanir geta orðið til þess að stjórnarmenn verði persónulega skaðabótaskyldir.
Stjórnir fyrirtækja sem kjósa að fá aðstoð lögmanns sem ritara stjórnar fá sérfræðing sér til halds og trausts á fundi, sem tryggir faglega framkvæmd og stuðlar að ábyrgum og traustum stjórnarháttum.
Hafðu samband til þess að kynna þér frekar verklag og kostnað við það að fá lögmann sem ritara stjórnar.
